Bakı, 27 yanvar (AzərTAc). İstehlakçılara verilən içməli suyun dəqiq uçotunun aparılması məqsədi ilə “+110 Şərq” su anbarının çıxış xətti üzərində “Krohne” elektromaqnit tipli su sayğacı quraşdırılır.
“Azərsu” Açıq Səhmdar Cəmiyyətinin (ASC) mətbuat xidmətindən AzərTAc-a bildirmişlər ki, bununla əlaqədar yanvarın 28-də Xətai rayonun M.Hadi, X.Məmmədov, Vunqtau küçələrinə və Gəncə prospektinə içməli suyun verilməsində gün ərzində məhdudiyyətlər olacaqdır.
Yarana biləcək narahatlığa görə “Azərsu” ASC abonentlərdən üzr istəyir.