REGİONLAR
Xırdalanda yeni uşaq bağçası istifadəyə verilib VİDEO
Xırdalan, 3 dekabr, Ətrabə Rzayeva, AZƏRTAC
Xırdalan şəhərində yeni inşa edilən 26 nömrəli körpələr evi-uşaq bağçasının açılış mərasimi olub. Tədbirdə Abşeron Rayon İcra Hakimiyyətinin başçısı İradə Gülməmmədova, rayonun hüquq-mühafizə orqanlarının rəhbərləri və ictimaiyyət nümayəndələri iştirak ediblər.
AZƏRTAC xəbər verir ki, ikimərtəbəli körpələr evi-uşaq bağçası 115 yerlikdir. Burada balacaların təlim-tərbiyəsi ilə peşəkar pedaqoji heyət məşğul olacaq. Təhlükəsizlik məqsədilə müşahidə kamerası da quraşdırılıb. Kameralar həm həyəti, həm də bağçanın bütün otaqlarını nəzarətdə saxlamağa imkan verir.
Bağça azyaşlı sakinlərin zövqünə uyğun qurulub, onların rahatlığını, istirahətini və ilkin biliklərə yiyələnməsini təmin etmək üçün lazımi inventarla təchiz edilib. Burada müxtəlif yaş qrupları üçün məşğələ və yataq otaqları, rəsm, idman və musiqi zalları, yeməkxana, həyətdə isə istirahət guşələri yaradılıb.
Bağça ilə tanışlıqdan sonra fidanlar rəngarəng rəqs nömrələri ilə çıxış ediblər.
Bölmənin digər xəbərləri
