SİYASƏT


Naxçıvan Muxtar Respublikası Ali Məclisinin Sədri Beynəlxalq Şahmat Federasiyasının prezidenti ilə görüşüb

Naxçıvan, 3 may, AZƏRTAC

Mayın 3-də Naxçıvan Muxtar Respublikası Ali Məclisinin Sədri Vasif Talıbov Beynəlxalq Şahmat Federasiyasının prezidenti Kirsan İlümjinov ilə görüşüb.

Naxçıvan Muxtar Respublikası Ali Məclisinin mətbuat xidmətindən AZƏRTAC-a bildirilib ki, Ali Məclisin Sədri qonağı Naxçıvanda görməkdən məmnunluğunu bildirib, muxtar respublikada şahmatın inkişafı sahəsində görülən işlərdən danışıb. Muxtar respublikanın ümumtəhsil məktəblərində şahmatın tədris edildiyini və 3 mindən artıq gəncin şahmatla mütəmadi məşğul olduğunu diqqətə çatdıran Ali Məclisin Sədri “Naxçıvan-2017” Beynəlxalq Şahmat Festivalının açılış mərasimində iştirakına görə Beynəlxalq Şahmat Federasiyasının prezidenti Kirsan İlümjinova təşəkkür edib.

Muxtar respublikada şahmatın inkişafına dövlət səviyyəsində göstərilən diqqətin və gənc şahmatçıların yetişdirilməsi sahəsində görülən işlərin məmnunluq doğurduğunu bildirən Kirsan İlümjinov hər il ənənəvi olaraq Naxçıvanda şahmat üzrə beynəlxalq festivalın keçirilməsinin əhəmiyyətini vurğulayıb.

Azərbaycan Respublikasının gənclər və idman naziri Azad Rəhimov görüşdə iştirak edib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.