İDMAN


Topaz Premyer Liqasında “Səbail” komandası “İnter”i məğlub edərək beşinci pilləyə yüksəlib

Bakı, 20 oktyabr, AZƏRTAC

Futbol üzrə Azərbaycan Premyer Liqasının IX turunun ilk oyunu keçirilib.

AZƏRTAC xəbər verir ki, oktyabrın 20-də “Dalğa Arena”da “Səbail” klubu “İnter”i qəbul edib. Görüş meydan sahiblərinin qələbəsi ilə yekunlaşıb - 1:0. Yeganə qolu 16-cı dəqiqədə Murtuz Abakarov vurub.

Bu qələbə sayəsində xallarını doqquza çatdıran “Səbail” beşinci pilləyə yüksəlib. Çempionatda üçüncü dəfə məğlub olan "İnter" isə altıncı pilləyə düşüb.

Oktyabrın 21-də daha iki görüş keçiriləcək. “Kəpəz” Gəncə şəhər stadionunda “Neftçi” ilə qarşılaşacaq. “Kapital Bank Arena”da keçiriləcək günün digər oyununda “Sumqayıt” və “Zirə” klubları üz-üzə gələcək.

Turun maraqla gözlənilən qarşılaşması oktyabrın 22-də olacaq. Həmin gün “Qəbələ” komandası “Qarabağ” klubunu qəbul edəcək.

Hazırda turnir cədvəlinə 19 xalla “Qarabağ” başçılıq edir. Hesabında 18 xal olan “Zirə” ikinci, “Qəbələ” 16 xalla üçüncü pillədədir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.