İDMAN


Formula-1 Azərbaycan Qran-Prisi: Filarmoniya tribunasına biletlərin hamısı satılıb

Bakı, 15 fevral, AZƏRTAC

Aprelin 27-29-da Bakıda keçiriləcək Formula-1 Azərbaycan Qran-Prisi üçün Filarmoniya tribunasına olan biletlərin hamısı satılıb.

AZƏRTAC xəbər verir ki, “Bakı Şəhər Halqası” Əməliyyat Şirkətinin marketinq və kommunikasiya departamentinin rəhbəri Nigar Arpadarai ilkin mərhələdə yarışa xaricdən daha böyük marağın olduğunu bildirib. O vurğulayıb ki, bu günə olan məlumata əsasən, ən çox bilet alan ölkələr siyahısında ilk üçlükdə Rusiya, Azərbaycan və Böyük Britaniya yer alır. Xaricdən alınan biletlər bu günə qədər satılmış biletlərin 75 faizini təşkil edir. İndiyədək daha çox dördgünlük biletlər satılıb.

“Digər tərəfdən yarış həftəsonunda konsert proqramı ilə çıxış edəcək dünya ulduzlarının adlarının açıqlandığı ərəfələrdə satışlarda yüksək artımlar müşahidə olunmaqdadır. Biz ötən həftə “Jamiroquay” musiqi qrupunun aprelin 27-də “Baku Crystal Hall”da konsert verəcəyini elan etdik. Digər ulduzların adlarını da növbəti həftələrdə açıqlayacağıq”, - deyə Nigar Arpadarai diqqətə çatdırıb.

Qeyd edək ki, hazırda xaricilərlə müqayisədə yerli vətəndaşlara biletlər 25 faiz aşağı qiymətə təklif olunur. Bu endirim yarış başlayana qədər davam edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.