SİYASƏT


Azərbaycan səfiri etimadnaməsini Monakonun Şahzadəsinə təqdim edib

Monako, 15 mart, AZƏRTAC

Azərbaycanın Fransada, eyni zamanda, Müqəddəs Taxt-Tacda və Monako Knyazlığındakı səfiri Rəhman Mustafayev etimadnaməsini Monakonun Şahzadəsi II Albertə təqdim edib.

Şahzadə II Albert salamlarının Prezident İlham Əliyevə çatdırılmasını xahiş edib. R.Mustafayevi yeni təyinatı münasibətilə təbrik edən Şahzadə Azərbaycana səfərini məmnunluqla xatırlayıb. O qeyd edib ki, Azərbaycanla iqtisadiyyat, gənclər və idman sahələrində əlaqələr, eləcə də hökumətlərarası dialoq yüksək səviyyədədir.

Səfir Rəhman Mustafayev ölkələrimiz arasında ikitərəfli əlaqələrə toxunaraq, siyasi dialoqun, yüksək səviyyəli qarşılıqlı rəsmi səfərlərin əhəmiyyətindən danışıb. O, ölkəmizin Monako Knyazlığı ilə davamlı iqtisadi əməkdaşlığın daha da inkişafında maraqlı olduğunu vurğulayıb.

Səfər çərçivəsində R.Mustafayev Monako İqtisadi Palatasının icraçı direktoru Dani Rubreş ilə görüşüb.

Görüşdə ikitərəfli iqtisadi əlaqələrin daha da genişləndirilməsi ətrafında müzakirələr aparılıb. Mədəniyyət və turizm sahələrində əməkdaşlığın da dərinləşdirilməsinin önəmi vurğulanıb.

Şəhla Ağalarova

AZƏRTAC-ın xüsusi müxbiri

Monako 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.