SİYASƏT


Ukraynanın xarici işlər naziri: Azərbaycan regionda lider dövlətə çevrilib

İvano-Frankovsk, 7 may, AZƏRTAC

Azərbaycan regionda lider dövlətə çevrilib və beynəlxalq layihələrdə lokomotiv rolunu oynayır.

Bu fikri AZƏRTAC-a məxsusi açıqlamasında Ukraynanın xarici işlər naziri Pavel Klimkin deyib.

Nazir bildirib ki, Azərbaycan multikulturalizmin və dini tolerantlığın inkişafına görə dünyanın ən nümunəvi ölkələrindən biridir. “Mən çox şadam ki, Azərbaycanla Ukrayna arasında dostluq və qardaşlıq münasibətləri durmadan inkişaf edir. Təbii ki, bu dostluğun kökü çox qədim tarixə söykənir. Bakıya hər səfərimdə böyük irəliləyişlərin şahidi oluram. Həqiqətən də ölkəniz bölgənin əsl lider dövlətidir”, - deyə Pavel Klimkin əlavə edib.

Ukraynanın xarici işlər naziri dost və qardaş Azərbaycan xalqını Azərbaycan Xalq Cümhuriyyətinin yaranmasının 100 illik yubileyi münasibətilə təbrik edib.

Xatırladaq ki, Ukraynanın İvano-Frankovsk şəhərində “Karpatski Prostor” adlı beynəlxalq festival və Azərbaycan Xalq Cümhuriyyətinin 100 illik yubileyi tədbirləri çərçivəsində səfirliyimizin təşkilatçılığı ilə bir sıra tədbirlər keçirilib.

Emil Hüseynli

AZƏRTAC-ın xüsusi müxbiri

İvano-Frankovsk

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.