REGİONLAR


Kənd Təsərrüfatı Nazirliyi: Ötən illə müqayisədə buğda və arpa istehsalında artım qeydə alınıb

Ölkə üzrə 2017-ci ilə nisbətən 226 min 365 ton çox buğda, 124 min 570 ton çox arpa yığılıb

Bakı, 13 avqust, AZƏRTAC

Ölkə üzrə payızlıq və yazlıq buğda biçininin 99,2 faizi, arpa biçininin isə 99,7 faiz başa çatıb. Ümumilikdə 672 min 516 hektar sahədə buğda (2017-ci ildə 590 min 162 hektar), 336 min 49 hektar sahədə arpa biçini (2017-ci ildə 317 min 693 hektar) aparılıb. Bu il orta hesabla hər hektardan 30,2 sentner buğda (ötən il 30,6 sentner) və 27,9 sentner arpa (ötən il 25,6 sentner) yığılıb. Ötən illə müqayisədə məhsuldarlıq buğda üzrə 112,5 faiz, arpa üzrə isə 115,3 faiz təşkil edib.

Kənd Təsərrüfatı Nazirliyindən AZƏRTAC-a bildiriblər ki, bu il ölkə üzrə 3 milyon 17 min 289 ton payızlıq və yazlıq dənli və dənli paxlalılar yığılıb. Bunun 2 milyon 31 min 654 tonu buğda, 937 min 90 tonu arpadır.

Ölkə üzrə ötən ilə nisbətən 226 min 365 ton çox buğda, 124 min 570 ton çox arpa yığılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.