CƏMİYYƏT


Aralıq dənizində delfinləri məhv edən virus aşkar olunub

Madrid, 14 sentyabr, AZƏRTAC

Atlantik okeanından Aralıq dənizinə yayılmış yeni virus ştammı delfinlərin məhvinə səbəb olur.

AZƏRTAC xəbər verir ki, morbillivirus adlanan bu yeni virus insanda qızılca və iribuynuzlu heyvanlarda taun xəstəliyi törədən viruslar ailəsinə aiddir. Virusun bu növü Aralıq dənizi bölgəsi üçün səciyyəvi olan yerli ştamm ilə müqayisədə daha aqressivdir, lakin o, epidemiyaya səbəb olmur, yalnız ayrı-ayrı fərdlərə təsir edir.

Okeanoqrafiya fondundan olan tədqiqatçılar yaranmış vəziyyəti Komplutense Universitetindən və Heyvanların sağlamlığının öyrənilməsi mərkəzindən, habelə Las-Palmas de-Qran-Kanariya Universitetindən olan alimlərlə birgə təhlil edərək bu qənaətə gəliblər.

2011-ci ildə - bu virusun İspaniyada sonuncu dəfə yayıldığı dövrdə ay yarım ərzində təkcə Valensiya sahillərində 50-dən çox delfin cəsədi tapılmışdı. Bir il sonra virusun yeni ştammı aşkar edilib. Alimlər güman edirlər ki, ştammın bu yeni növü Aralıq dənizinə Atlantik okeanı sularında yaşayan virus daşıyıcıları vasitəsilə gəlib çıxıb. Çox ehtimal ki, bunlar delfinlər olub və sonradan yerli delfin növlərinə bu virusu yoluxdurublar.

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.