İDMAN


UEFA Avropa Liqası: "Sportinq" - "Qarabağ" oyunu başa çatıb YENİLƏNİB

Bakı, 20 sentyabr, Nicat Məmmədov, AZƏRTAC

Qarşılaşmanın ikinci hissəsində meydan sahibləri 54- və 87-ci dəqiqələrdə iki qol vuraraq qələbə qazanıblar.

E qrupun digər oyunu "Emirates" stadionunda keçirilib. Meydan sahibi "Arsenal" Ukrayna təmsilçisi "Vorska" klubunu qəbul edib. Görüş meydan sahiblərinin böyük hesablı qələbəsi ilə başa çatıb (4:2).

23:50

UEFA Avropa Liqasında ilk oyuna çıxan Ağdamın "Qarabağ" komandası səfərdə Portuqaliyanın "Sportinq" klubu ilə qarşılaşır. Matçın ilk dəqiqələrində "Sportinq" komandasını əks hücümda yaxalayan Qurban Qurbanovun yetirmələrinin vurduğu zərbə dəqiq olmayıb. Qarşılaşmanın 21-ci dəqiqəsində portuqaliyalıların müdafiədə kobud səhvini İnnosent Emeqara dəyərləndirə bilməyib.

Beləliklə, hər iki komandanın cəhdlərinə baxmayaraq birinci hissə qolsuz heç-heçə ilə başa çatıb.

23:00

Futbol üzrə UEFA Avropa Liqasının qrup mərhələsi çərçivəsində Azərbaycanın bu turnirdə yeganə təmsilçisi Ağdamın "Qarabağ" komandası səfərdə Portuqaliyanın "Sportinq" klubu ilə qarşılaşır. Oyun “CBC Sport” telekanalında birbaşa yayımlanır.

AZƏRTAC xəbər verir ki, “Qarabağ”ın start heyətində Vagner, Qara Qarayev, Maksim Medvedev, İnnosent Emeqara, Abdella Zubir, Mahir Mədətov, Filip Ozoviç, Yaqub Jerniçak, Bədavi Hüseynov, Donald Gerye və Çoşqun Diniyev yer alıblar.

"Sportinq"in ilk onbirliyində isə meydana Romen Salen, Sebastyan Koates, Brunu Fernandeş, Markos Akunya, Fredi Montero, Stefan Ristovski, Rodrigo Batalya, Nani, Rafinya, Jeremi Matyö və Nemanya Qudel çıxıblar.

“Joze Alvalade” stadionunda keçirilən qarşılaşma Ağdam təmsilçilərinin 99-cu avrokubok oyunudur. 98 qarşılaşmada Qurban Qurbanovun yetirmələri 35 dəfə meydanı qələbə ilə tərk ediblər.

Matçı Fransadan olan hakimlər briqadası idarə edir. Görüşün baş hakimi Fransua Leteksiyedir. Ona Siril Münyö və Mehdi Rahmuni kömək edirlər. Dördüncü hakim funksiyasını Bertran Juanno yerinə yetirir.

Matçın hakim-inspektoru Bosniya və Herseqovinalı Elmir Pilav, UEFA nümayəndəsi isə çexiyalı Patrik Filipekdir.

"Qarabağ" klubunun yer aldığı E qrupunun digər oyununda İngiltərənin "Arsenal" klubu Ukraynanın "Vorskla" komandasını qəbul edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.