SİYASƏT


“Ukrayna radiosu”nda Azərbaycanın Konstitusiya Günü ilə bağlı geniş məlumat verilib

Kiyev, 12 noyabr, AZƏRTAC

Noyabrın 12-də “Ukrayna radiosu”nda Azərbaycan Respublikasının Konstitusiya Günü ilə bağlı geniş məlumat verilib.

AZƏRTAC xəbər verir ki, radionun səhər verilişində Azərbaycanın müstəqillik əldə etməsindən sonra respublikada yeni Konstitusiyanın hazırlanması zərurətindən danışılıb. Qeyd olunub ki, 1995-ci ilin mayında Prezident Heydər Əliyevin sədrliyi ilə Konstitusiya Komissiyası formalaşdırılıb. Komissiyanın hazırladığı Konstitusiya layihəsi 1995-ci ilin oktyabrında ümumxalq müzakirəsinə verilib. 1995-ci il noyabrın 12-də ümumxalq səsverməsi ilə müstəqil Azərbaycan Respublikasının ilk Konstitusiyası qəbul edilib. Həmin vaxtdan etibarən hər il noyabrın 12-si Azərbaycanda Konstitusiya Günü qeyd olunur.

Daha sonra verilişdə Azərbaycanın milli musiqisi səsləndirilib.

 

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.