İDMAN


MOK-un vitse-prezidenti İslam Həmrəyliyi İdman Federasiyasının İcraiyyə Komitəsinin iclasında iştirak edib

Bakı, 8 aprel, AZƏRTAC

Səudiyyə Ərəbistanının Ciddə şəhərində İslam Həmrəyliyi İdman Federasiyasının (İHİF) İcraiyyə Komitəsinin iclası keçirilib. İclasda İHİF-in və Azərbaycan Milli Olimpiya Komitəsinin (MOK) vitse-prezidenti Çingiz Hüseynzadə də iştirak edib.

MOK-dan AZƏRTAC-a bildiriblər ki, tədbir çərçivəsində İHİF prezidentliyinə namizəd Şahzadə Abdulaziz bin Turki Alfaisal Ç.Hüseynzadə ilə görüşərək qurumun fəaliyyəti barədə müzakirələr aparıb. Həmçinin İHİF-in baş katibi Mohammed Saleh Al-Qarnas, prezident səlahiyyətlərini icra edən Hamad Kalkaba Malboum bu qurumun fəaliyyətinə dair hesabat məruzələri ilə çıxış ediblər.

Tədbir çərçivəsində, həmçinin qurumun növbədənkənar Baş Assambleyanın iclası keçiriləcək. Assambleyanın iclasında İslam Həmrəyliyi İdman Federasiyasının yeni prezidenti seçiləcək. Bundan başqa, hesabat çıxışları dinləniləcək, 2021-ci ildə İslam Həmrəyliyi Oyunlarının keçirilməsinə dair müzakirələr aparılacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.