DÜNYA


Parlament rəhbərlərinin növbəti ümumdünya toplantısına Avstriya ev sahibliyi edəcək

Vyana, 18 mart, AZƏRTAC

Gələn il Avstriya dünya ölkələri parlament rəhbərlərinin toplantısına ev sahibliyi edəcək.

AZƏRTAC xəbər verir ki, bu barədə Avstriya Milli Şurasının (Parlament) sədri Volfqanq Sobotka məlumat verib. Beynəlxalq Parlamentlərarası İttifaqın bu toplantı üçün Vyana şəhərini seçməsindən məmnunluq ifadə edən parlament sədri, toplantının gələn ilin avqust ayında reallaşacağını deyib.

Üç gün davam edəcək beynəlxalq toplantıda 178 ölkədən 1200-dən artıq nümayəndənin iştirakı gözlənilir.

Qeyd edək ki, ilk dəfə 2000-ci ildə reallaşan bu tədbirə Nyu-York (2000, 2005 və 2015-ci illər) və Cenevrə (2010-cu il) ev sahibliyi edib. Əsası 1889-cu ildə qoyulan Parlamentlərarası İttifaqa hazırda dünyanın 178 ölkəsinin milli parlamenti və 10 assosiativ birlik üzvdür.

 

Elgün Niftəli

AZƏRTAC-ın xüsusi müxbiri

Vyana

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.