DÜNYA


Həbsxanadan qaçan məhbus vətəndən ötrü darıxdığına görə polisə təslim olub

Vyana, 23 aprel, AZƏRTAC

Avstriya mətbuatı hüquq-mühafizə orqanlarına könüllü təslim olan cinayətkarla bağlı xəbər yayıb.

AZƏRTAC Avstriya Teleradiosuna (ORF) istinadla xəbər verir ki, on il yarım əvvəl həbsxanadan qaçan bir məhbus bu günlərdə Zaltsburq şəhərində polisə könüllü təslim olub. İlkin ifadəsində həbsdən qaçdıqdan sonra on il Tenerifedə (Kanar adaları, İspaniya) gizli yaşadığını bildirən şəxs polisə təslimolma qərarına da aydınlıq gətirib. Altmış dörd yaşlı qaçaq vətəndən ötrü darıxdığına və Tenerife adasında yaşamasının ona əvvəlki kimi zövq vermədiyinə görə Avstriyaya qayıtmaq qərarına gəldiyini bildirib.

Münxen hava limanında enən şəxs qatarla Avstriya ərazisinə daxil olan kimi polisə müraciət edib. O, Aşağı Avstriya əyalətindəki həbsxanalardan birinə yerləşdirilib. Həbs müddətinin bitməsinə cəmi yarım il qalmış həbsxanadan qaçan bu şəxsə əlavə nə qədər cəza veriləcəyi məlum deyil.

 

Elgün Niftəli

AZƏRTAC-ın xüsusi müxbiri

Vyana

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.