İQTİSADİYYAT


Azərbaycan, Gürcüstan və Qazaxıstan Avropa-Qafqaz-Asiya tranzit dəhlizinin bir hissəsidir

Tbilisi, 23 aprel, AZƏRTAC

Azərbaycan, Gürcüstan və Qazaxıstan Avropa-Qafqaz-Asiya tranzit dəhlizinin bir hissəsidir və onların əlaqələndirilmiş fəaliyyəti dəhlizə əlavə yüklər cəlb edə bilər.

AZƏRTAC xəbər verir ki, bu fikri Gürcüstanın iqtisadiyyat və davamlı inkişaf naziri Natia Turnava Qazaxıstanda energetika naziri Kanat Bozumbayevlə keçirdiyi görüşdə səsləndirib.

Görüşdə dünyada ən iri neft hasilatçısı və tədarükçülərindən biri olan Qazaxıstanın tranzit marşrutlarının şaxələndirilməsi və neft məhsullarının tranzitinin artırılmasında maraqlı olduğu qeyd edilib.

Gürcüstan tərəfi Bakı-Supsa boru kəmərini Qazaxıstan neftinin ixracı üçün alternativ dəhliz təklif edib. Bildirilib ki, bu marşrut xam neftin Qara dəniz vasitəsilə dünya bazarına çatdırılmasına imkan yaradacaq.

Nazirlər Gürcüstan və Qazaxıstan arasında energetika sahəsində prioritet sahələr üzrə əməkdaşlıq məsələlərini də nəzərdən keçiriblər.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.