İDMAN


Çin Qran-Prisinin posterində Azərbaycan cüdoçusu Hidayət Heydərovun da şəkli yer alıb

Bakı, 22 may, AZƏRTAC

Beynəlxalq Cüdo Federasiyasının Çinin Hohhot şəhərində keçiriləcək Qran-Pri turniri ilə bağlı hazırladığı posterdə tanınmış cüdo ustaları ilə birgə Azərbaycan idmançısı Hidayət Heydərovun (73 kq) da şəkli yer alıb.

AZƏRTAC xəbər verir ki, mayın 23-də start götürəcək Qran-Pri yarışlarında komandamızın heyətində 7 idmançı, o cümlədən Hidayət Heydərov da mübarizə aparacaq.

Qeyd edək ki, Hidayət Heydərov mayın 10-12-də Bakıda keçirilmiş “Böyük dəbilqə” turnirinin qalibi olub. Bu onun “Böyük dəbilqə” turnirində əldə etdiyi ilk medal, indiyədək qazandığı ən böyük uğurudur. Cüdoçumuzun sonuncu turnirində qazandığı 1000 xal onu dünya reytinqində bir pillə qaldıra bilib. İndi o, 9-cu sıradadır.

Turnirdə 44 ölkədən 345 cüdoçu iştirak edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.