DÜNYA


ABŞ Prezidenti Yaponiyaya dördgünlük dövlət səfərinə gəlib

Tokio, 25 may, AZƏRTAC

Mayın 25-də ABŞ Prezidenti Donald Tramp Yaponiyaya dördgünlük dövlət səfərinə gəlib.

AZƏRTAC xəbər verir ki, ABŞ Prezidentinin Haneda aeroportunda qarşılanma mərasimi NHK telekanalı ilə birbaşa yayımla nümayiş olunub.

D.Trampla birlikdə onun həyat yoldaşı Melaniya da Tokioya gəlib.

ABŞ Prezidenti səfər çərçivəsində İmperator Naruhito və Baş Nazir Şinzo Abe ilə görüşəcək, sumo üzrə yarışları izləyəcək, ABŞ hərbi bazasına baş çəkəcək, həmçinin “Robatayaki” ənənəvi yapon restoranında müştərilərin gözü önündə köz üstündə bişirilən delikateslərin dadına baxacaq.

D.Tramp İmperator Naruhito taxta çıxdıqdan sonra onunla görüşən ilk əcnəbi lider olacaq.

Xatırladaq ki, mayın 1-də İmperator Naruhito taxta çıxdıqdan sonra Yaponiyada yeni Reiva dövrü başlanıb.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.