DÜNYA


Əfqanıstanda səhvən endirilən aviazərbə nəticəsində beş hərbçi həlak olub

Bakı, 12 iyun, AZƏRTAC

Əfqanıstanın şimal-şərqindəki Qunduz əyalətində hərbi bazaya səhvən endirilən aviasiya zərbəsi nəticəsində təhlükəsizlik qüvvələrinin ən azı beş əməkdaşı həlak olub, yeddi nəfər isə yaralanıb.

AZƏRTAC Sinxua informasiya agentliyinə istinadla xəbər verir ki, İmam-Sahib qəzasında yerləşən hərbi bazaya hava zərbəsi yerli vaxtla saat 02:00-da endirilib. Bu, hökumət qüvvələrinin və onların müttəfiqlərinin əfqan hərbçiləri və dinc sakinlərin ölümü ilə nəticələnən ilk səhv zərbəsi deyil.

Əfqanıstan hakimiyyətinin rəsmi nümayəndəsi hərbi bazaya hücum edən təyyarələrin hökumət qüvvələrinə, yaxud ABŞ-ın başçılıq etdiyi koalisiyaya aid olması sualına cavab verməkdən imtina edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.