DÜNYA


İtaliyada yerləşdiriləcək superkompüter Leonardo da Vinçinin adını daşıyacaq

Roma, 18 iyun, AZƏRTAC

İtaliyada yerləşdiriləcək gələcəyin superkompüteri intibah dövrünün dahi rəssamı Leonardo da Vinçinin adını daşıyacaq.

AZƏRTAC ANSA agentliyinə istinadla xəbər verir ki, bu barədə ölkənin Təhsil və Elmi Araşdırmalar Nazirliyi məlumat yayıb.

Ölkənin təhsil və elmi araşdırmalar naziri Marko Busetti bildirib ki, İtaliyada yüksək effektli hesablama üzrə süperkompüter Avropa Komitəsi (EuroHPC) tərəfindən seçilib. Onun sözlərinə görə, superkompüter saniyədə inanılmaz sayda əməliyyatlar yerinə yetirəcək. Yeni superkompüter Bolonyada yerləşdiriləcək.

“Superkompüterin bizə həvalə edilməsi ölkəmiz adına qürurverici hissdir. Bu strateji bir təşəbbüsdür və inkişafın, eyni zamanda innovasiyanın təkanverici qüvvəsi olacaq. Yeni kompüter bütün araşdırma sahələrində tətbiq olunacaq”, – deyə Marko Bussetti vurğulayıb.

Qeyd edək ki, 120 milyon avro dəyərində olan kompüterin 2020-ci ildə hazır olacağı gözlənilir.

Asiman Əsədov

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.