İDMAN


Gənclər və İdman naziri “EYOF 2019”da iştirak edəcək velosipedçilərlə görüşüb

Bakı, 17 iyul, AZƏRTAC

İyulun 21-27-də Bakıda keçiriləcək Avropa Gənclər Olimpiya Festivalına (EYOF) hazırlıq prosesi ilə yaxından tanış olmaq üçün idman obyektlərinə baxış keçirən Gənclər və İdman naziri Azad Rəhimov Veloparkda olub.

Azərbaycan Velosiped İdmanı Federasiyasından AZƏRTAC–a bildiriblər ki, nazir EYOF-un velosiped yarışlarının start və finiş nöqtələrinin yerləşdiyi bu idman qurğusunda görülən işlərlə bağlı ətraflı məlumat alıb. Sonra A.Rəhimov mötəbər yarışda iştirak edəcək velosipedçilərlə görüşüb, onlara uğurlar arzulayıb.

Festivalın proqramına əsasən, iyulun 23-də fərdi, 25-də isə qrup ötüşməsi üzrə yarışlar keçiriləcək. Azərbaycanı bu yarışlarda Lalə Əbdürəhmanova, Gülşən İsmayılova, Məleykə İsgəndərova, Nikita Sıtov, Mustafa Muxtarlı və Nofəl Nuriyev təmsil edəcəklər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.