İDMAN


İspaniya La Liqası: “Real Madrid” komandası öz meydanında xal itirib

Bakı, 25 avqust, Nicat Məmmədov, AZƏRTAC

Futbol üzrə İspaniya La Liqasında ikinci turun növbəti oyunu keçirilib.

AZƏRTAC xəbər verir ki, çempionluğa iddialı “Real Madrid” doğma meydanda “Real Vallyadolid” komandasını qəbul edib. Görüş 1:1 hesabı ilə başa çatıb. Kərim Benzemanın qarşılaşmanın 82-ci dəqiqəsində vurduğu qola matçın sonuna yaxın Serci Quardiola (88) cavab verib.

Xatırladaq ki, ilk turda “Real Madrid” səfərdə Selta Viqo”nu (3:1), “Real Vallyadolid” isə “Real Betis”i məğlub edib (2:1).

Turun digər oyunları avqustun 25-26-da keçiriləcək. Paytaxt təmsilçisinin əzəli rəqibi “Barselona” avqustun 25-də səfərdə “Real Betis” komandası ilə üz-üzə gələcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.