İDMAN


Beynəlxalq Gimnastika Federasiyası Mariana Vasilevanı Əməkdar məşqçi diplomu ilə təltif edib

Bakı, 25 avqust, AZƏRTAC

Beynəlxalq Gimnastika Federasiyasının (FIG) İcraiyyə Komitəsinin Nikaraquanın Manaqua şəhərində keçirilən iclasında Azərbaycanla əlaqədar daha bir qərar qəbul edilib.

AZƏRTAC Azərbaycan Gimnastika Federasiyasının saytına istinadla xəbər verir ki, bədii gimnastika üzrə yığma komandamızın baş məşqçisi Mariana Vasileva FIG tərəfindən Əməkdar məşqçi diplomu ilə təltif olunub.

Qeyd edək ki, Mariana Vasileva 2008-ci ildən Azərbaycan millisinin baş məşqçisi vəzifəsində çalışır. Onun rəhbərliyi ilə bədii gimnastlarımız bir çox irimiqyaslı beynəlxalq yarışlarda medallar qazanaraq dünya arenasında ölkəmizi layiqincə təmsil ediblər. Mariana Vasilevanın Azərbaycanda gimnastika məktəbinin formalaşmasında böyük əməyi var.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.