İQTİSADİYYAT


Aşqabadda Türkmənistan-Azərbaycan iqtisadi əməkdaşlıq məsələləri müzakirə olunacaq

Aşqabad, 11 sentyabr, AZƏRTAC

Türkmənistan-Azərbaycan iqtisadi əməkdaşlıq üzrə hökumətlərarası birgə komissiyasının 5-ci iclası sentyabrın 13-də Aşqabadda keçiriləcək.

AZƏRTAC xəbər verir ki, iclasda iki ölkə arasında iqtisadi əməkdaşlığın əsas istiqamətləri müzakirə olunacaq.

Qeyd edək ki, hazırda Aşqabad və Bakı iqtisadi tərəfdaşlığın əsas diqqəti nəqliyyat və tranzit sahəsinə yönəldilib. Türkmənistan və Azərbaycanın limanları vasitəsilə müntəzəm birbaşa beynəlxalq dəmir yolu - bərə əlaqəsinin təşkil edilməsi sahəsində əməkdaşlıq yüksək dərəcədədir.

Xatırladaq ki, komissiyanın indiyədək 4 iclası keçirilib. Sonuncu iclas 2014-cü il oktyabrın 2-də Bakıda təşkil edilib.

İlahə Əhmədova

AZƏRTAC-ın xüsusi müxbiri

Aşqabad

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.