CƏMİYYƏT


Ryazanın gənc ekoloqları zibillikdə “toy“ fotosessiyası təşkil ediblər

Bakı, 11 sentyabr, AZƏRTAC

Ryazanın ekologiya fəalları yerli məişət və kimyəvi tullantılar poliqonunda “toy” fotosessiyası təşkil ediblər. AZƏRTAC Rusiya KİV-lərinə istinadla xəbər verir ki, “bəylə gəlin” əleyhqaz geyinərək diqqəti Turlatovo qəsəbəsi yaxınlığındakı qanunsuz zibilliyə cəlb etmək istəyiblər. Məhkəmə hələ 2011-ci ildə bu zibilliyi bağlamaq barədə qərar çıxarıb.

Fotosessiyada yerli sakin Oleq Kabanov və model Vika Menşikova iştirak ediblər. İdeya müəllifi İrina Peçorina deyib: “Toy yeni ailənin yaranması deməkdir. Lakin bizim şəhərimizdə yeni gözəl ailələr ciddi problemlər fonunda yaranır”. Fəalın sözlərinə görə, çoxmənzilli binaların yaxınlığında yerləşən poliqon nəinki xoşagəlməz qoxu mənbəyidir, həm də həyat və sağlamlığa potensial təhlükədir.

Turlatovo zibilliyi Listvyanka çayının yanındakı “Ximvolokno” zavodunun təmizləyici qurğularının yerində yaranıb. Məhkəmənin səkkiz il ərzində onun bağlanması haqqında bir neçə qərar çıxarmasına baxmayaraq, zibillik təmizlənməyib. Avqustun 12-də axşam saatlarında poliqonda yanğın baş verib. Alovu yalnız sentyabrın əvvəlində söndürmək mümkün olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.