CƏMİYYƏT


Svetlana Zeynalova: Harada yaşamağımızdan asılı olmayaraq biz azərbaycanlıyıq

Moskva, 12 sentyabr, AZƏRTAC 

Rusiyalı teleaparıcı Svetlana Zeynalova “Paxlava Production” layihəsinə müsahibədə öz Azərbaycan kökləri barədə danışıb, Bakıya səfərdən aldığı təəssüratları bölüşüb.

AZƏRTAC xəbər verir ki, həmvətənimiz Ruslan Süleymanovun “Paxlava Production” YouTube layihəsinin növbəti qonağı rusiyalı teleaparıcı Svetlana Zeynalova olub.

Bakıya səfəri barədə söhbət açan teleaparıcı deyib: “Mən mədəni şok hissi keçirdim. Şəhər nə qədər dəyişib! O, dəbə uyğun, qabaqcıl, texnoloji və çox təmiz olub! Küçələr o qədər təmizdir ki, mən orada ayaqqabılarımın lazımınca təmiz olmasına şübhələnirdim. Fikirləşirdim: görəsən, burada adamlar gəzirmi, maşınlar hərəkət edirmi, uşaqlar konfet kağızlarını hara gəldi atırlarmı?

Svetlana Zeynalova rusiyalı radio və televiziya aparıcısıdır. Hazırda “Pervıy kanal”da “Dobroye utro” proqramının aparıcısıdır. 2015-ci ilə qədər radioda “Maximum”, “Business FM”, “Naşe radio” proqramlarının aparıcısı olub. Onun bacısı İradə Zeynalova da jurnalist, NTV-də “İtoqi nedeli” proqramının müəllifi və aparıcısı, Rusiya Televiziya Akademiyasının üzvüdür.

“Paxlava production” layihəsinin müəllifləri bizim üç həmvətənimiz – M.V.Lomonosov adına MDU-nun məzunları Ruslan Süleymanov, Ruslan Əhmədov və Nüşabə Kərimlidir. Onlar bu proqram çərçivəsində hazırda Rusiyada yaşayan və işləyən məşhur azərbaycanlılardan və əslən Azərbaycanda olan həmvətənlərimizdən müsahibələr alırlar.

Svetlana Zeynalova ilə müsahibəyə tam həcmdə bu linkə daxil olaraq baxa bilərsiniz: https://youtu.be/8nw8S8ONR5U https://youtu.be/8nw8S8ONR5U

Fəridə Abdullayeva

AZƏRTAC-ın xüsusi müxbiri

Moskva 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.