DÜNYA


NATO-nun baş katibi Türkiyəyə səfər edəcək

Ankara, 10 oktyabr, AZƏRTAC

NATO-nun baş katibi Yens Stoltenberq oktyabrın 11-də Türkiyəyə səfər edəcək.

Bu barədə Türkiyə Xarici İşlər Nazirliyindən AZƏRTAC-ın Ankara bürosuna daxil olan məlumatda bildirilib.

Qeyd olunub ki, Şimali Atlantika Alyansının baş katibi İstanbulda Türkiyə Prezidenti Rəcəb Tayyib Ərdoğan tərəfindən qəbul ediləcək. Həmçinin Xarici İşlər naziri Mövlud Çavuşoğlu ilə görüşdə gündəlikdə duran məsələlərin müzakirəsi nəzərdə tutulub.

Xatırladaq ki, Türkiyə Silahlı Qüvvələrinin qoşun birləşmələrinin Suriyada Fərat çayının şərqində başladığı "Sülh çeşməsi" (Barış Pınarı) antiterror əməliyyatı NATO-Türkiyə münasibətlərində ən aktual mövzuya çevrilib.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.