İQTİSADİYYAT


Gələn ilin ilk yarısınadək “BakıKart”lara onlayn qaydada pul yükləmək mümkün olacaq

Bakı, 10 oktyabr, Elvin Camalov, AZƏRTAC

Gələn ilin birinci yarısına qədər “BakıKart”lara onlayn qaydada pul yükləmək mümkün olacaq.

AZƏRTAC xəbər verir ki, bu barədə Bakı Nəqliyyat Agentliyinin mətbuat xidmətinin rəhbəri Mais Ağayev jurnalistlərə müsahibəsində deyib.

O bildirib ki, paytaxtda bütün marşrut xətləri üzrə fəaliyyət göstərən avtobusların kart sisteminə keçidi ilə bağlı işlər yekunlaşmaq üzrədir: “Bu məsələdə gecikməyə səbəb avtobusların yenilənməsi idi. İlin sonunadək paytaxtdakı bütün avtobusların “BakıKart” sisteminə keçməsi daha çox vətəndaşın “BakıKart”dan istifadə etməsi deməkdir. Daha çox vətəndaşın tezliklə “BakıKart”dan istifadə edəcəyini nəzərə alaraq onların rahatlığı üçün onlayn sistemə keçidlə bağlı işlər görüləcək. Hazırda bu istiqamətdə texniki addımlar atılır. İnternet olan hər yerdə kartların onlayn qaydada yüklənməsi təmin ediləcək”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.