DÜNYA


Tbilisidə “Salome Zurabişvili Fondu”nun təqdimatı olub

Tbilisi, 9 noyabr, AZƏRTAC

Tbilisidə Gürcüstan Prezidentinin adını daşıyan “Salome Zurabişvili Fondu”nun təqdimatı olub.

AZƏRTAC xəbər verir ki, fondu Prezident Salome Zurabişvili bir müddət əvvəl yaradıb.

Təqdimat mərasimində çıxış edən dövlət başçısı deyib ki, o, təşkilatın fəxri təsisçisi olacaq və fondun idarə olunmasında şəxsən iştirak etməyəcək.

S.Zurabişvili qeyd edib ki, fond Gürcüstan üçün ictimai əhəmiyyət kəsb edən məsələlərin həllini dəstəkləyəcək.

Yeni təşkilatın strateji fəaliyyət istiqamətlərinə Uşaq Xərçəngi Mərkəzinin gücləndirilməsi, qadınların hüquqlarının müdafiəsi, ehtiyacı olan və xəstə qadınlara dəstək, regional inkişafın təşviqi, Gürcüstan mədəniyyətinin təbliği, ətraf mühit və biomüxtəlifliyin qorunması daxildir.

Fondun fəaliyyətinin həyata keçirilməsi üçün mövcud və potensial tərəfdaşların dəstəyindən istifadə olunacaq. Fond ictimai əsaslarla fəaliyyət göstərəcək.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.