MƏDƏNİYYƏT


Hər ay 500 milyon insan “Google”da mədəniyyətlə bağlı axtarış edir

Bakı, 15 noyabr, AZƏRTAC

Dünyanın ən böyük axtarış sistemi olan “Google”da hər ay 500 milyon insan mədəniyyət sahəsi ilə maraqlanır.

AZƏRTAC TASS agentliyinə istinadən xəbər verir ki, bu barədə Afrika, Latın Amerikası, Yaxın Şərq, Rusiya və MDB ölkələri üzrə “Google”un Strateji Layihələr şöbəsinin müdiri Dona Raz Levi xəbər verib.

“Bütün dünya üzrə hər ay 500 milyon insan mədəniyyətlə bağlı axtarış edir və bu sahəyə olan maraq durmadan artır”, - deyə şöbə müdiri bildirib.

Sonra şirkətin nümayəndəsi Ermitaj, Tretyakov Qalereyası, Luvr kimi böyük beynəlxalq muzeylərin uğurla rəqəmsallaşdırılmasından, korporasiyanın xidmətlərində Rusiya ədəbiyyatının tanıdılmasından danışıb.

“Biz, həmçinin online oxu zallarını inkişaf etdiririk. Lev Tolstoyun “Anna Karenina” əsərindən başladıq, nəticədə bu əsərin satışı bütün dünyada 40 faiz artdı”, - deyə o əlavə edib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.