SİYASƏT


Azərbaycan səfiri etimadnaməsini İndoneziya Prezidentinə təqdim edib

Cakarta, 21 noyabr, AZƏRTAC

Azərbaycan Respublikasının İndoneziya Respublikasındakı səfiri Cəlal Mirzəyev etimadnaməsini bu ölkənin Prezidenti Coko Vidodoya təqdim edib.

AZƏRTAC xəbər verir ki, təqdimetmə mərasimindən sonra qısa söhbət zamanı səfir Prezident İlham Əliyevin salamlarını və ən xoş arzularını İndoneziya Prezidentinə çatdırıb.

Səfir ölkəmizin İndoneziya ilə əməkdaşlığa xüsusi önəm verdiyini bildirib və iki ölkə arasında qarşılıqlı faydalı əməkdaşlığa əsaslanan münasibətlərin daha da inkişaf etdirilməsi məqsədilə səylərini əsirgəməyəcəyini vurğulayıb.

Azərbaycan Prezidentinin salamlarına görə minnətdarlığını bildirən Prezident Coko Vidodo onun da salamlarını dövlətimizin başçısına çatdırmağı xahiş edib. Azərbaycanın İndoneziya üçün vacib tərəfdaş olduğunu qeyd edən Coko Vidodo səfirə diplomatik fəaliyyətində uğurlar arzulayıb.

Görüşdə ölkələrimiz arasında yüksək səviyyəli qarşılıqlı səfərlərin əhəmiyyəti vurğulanıb, iqtisadiyyat, ticarət, neft, turizm və vətəndaşlara dövlət xidmətlərinin göstərilməsi sahələrində əməkdaşlıq üçün geniş imkanların mövcudluğu qeyd edilib.

Vüqar Ağayev

AZƏRTAC-ın xüsusi müxbiri

Cakarta

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.