ELM VƏ TƏHSİL


Serbiyada ilk dəfə olaraq Azərbaycan klassik musiqisi haqqında elmi iş təsdiqlənib

Belqrad, 4 dekabr, AZƏRTAC

Belqrad Dövlət İncəsənət Universitetin senatı Azərbaycan musiqisi ilə bağlı elmi dissertasiyanı təsdiq edib.

AZƏRTAC xəbər verir ki, müəllifi Belqrad Musiqi Akademiyasının doktorantı Mina Ristiç olan dissertasiya işinin adı “XX əsrin ikinci yarısında Azərbaycan bəstəkarlarının skripka və fortepiano sonataları - stil problematikası və ifaçılıq interpretasiyası”dır. Qeyd etmək lazımdır ki, bu iş Balkan regionunda Azərbaycan klassik musiqisi haqqında yazılan ilk elmi əsərdir.

Mina Ristiç azərbaycanlı qanı daşıyır. Onun anası Belqradda fəaliyyət göstərən Azərbaycan Mədəniyyət Mərkəzinin direktoru professor Zərifə Əlizadədir.

 

Aygün Əliyeva

AZƏRTAC-ın xüsusi müxbiri

Belqrad

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.