MƏDƏNİYYƏT


Qobustan Milli Tarix-Bədii Qoruğu beynəlxalq əlaqələrini genişləndirir

Bakı, 6 dekabr, AZƏRTAC

Qobustan Milli Tarix-Bədii Qoruğunun direktoru Vüqar İsayevin başçılığı ilə qoruq əməkdaşlarından ibarət nümayəndə heyəti İspaniyanın UNESKO-nun Dünya Mədəni İrs Siyahısına daxil edilmiş Levant qayaüstü incəsənət ənənəsinin xarakterik abidələrinin təmsil olunduğu La Valltorta Muzeyi və Al Barrakin Rio Martin Milli Parkında işgüzar görüş keçirib.

Qoruqdan AZƏRTAC-a bildirilib ki, görüş zamanı iki qoruq və muzey arasında qayaüstü incəsənətin öyrənilməsi, qorunması və təbliği sahələrində əməkdaşlıq məsələləri müzakirə edilib.

Muzey və qayaüstü incəsənət abidələri ilə tanış olduqdan sonra La Valltorta Muzeyinin direktoru Pilar Vidal Monferrerlə açıq havada qayaüstü incəsənət abidələrinin qorunması, konservasiya və restavrasiyası, həmçinin qoruqların idarə olunması və administrativ məsələlər barədə müzakirələr aparılıb.

PRAT-CARP Avropa Qayaüstü İncəsənət təşkilatının tamhüquqlu üzvü olan Qobustan Milli Tarix-Bədii Qoruğu bu təşkilat çərçivəsində İspaniyanın müvafiq qoruq və muzeyləri ilə qarşılıqlı əməkdaşlıq əlaqələri qurub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.