İDMAN


London derbisi: “Çelsi” azlıqda olan “Arsenal”ı məğlub edə bilməyib

Bakı, 22 yanvar, Nicat Məmmədov, AZƏRTAC

Yanvarın 21-də İngiltərə Premyer Liqasının 24-cü turuna start verilib.

AZƏRTAC xəbər verir ki, turun mərkəzi qarşılaşması iki iddialı klublar - “Çelsi” və “Arsenal” komandaları arasında oynanılıb.

“Stenford Bric” stadionunda baş tutan görüş 2:2 hesabı ilə başa çatıb. London derbisində hesabı ilk hissədə meydan sahibləri açıb. Matçın 26-cı dəqiqəsində Jorjinyo 11 metrlik cərimə zərbəsini dəqiq yerinə yetirib. Birinci hissənin əvvəlində “Arsenal”ın müdafiəçisi David Luiz birbaşa qırmızı vərəqə alaraq meydandan kənarlaşdırılıb. “Arsenal” azlıqda olsa da, fasilədən sonra hesabı bərabərləşdirə bilib. Oyunun 63-cü dəqiqəsində Martinelli hesaba tarazlıq gətirib.

Qarşılaşmanın başa çatmasına altı dəqiqə qalmış “Çelsi” yenindən hesabda önə keçib. Sezar Aspilikueta adını tabloya yazdırıb. Bu da oyunda son qol olmayıb. Matçın 88-ci dəqiqəsində “Arsenal”ın ispaniyalı müdafiəçisi Ektor Bellerin fərqlənərək komandasını məğlubiyyətdən xilas edib.

Qalan dəqiqələrdə hər iki komandanın cəhdlərinə baxmayaraq hesab dəyişməyib.

Günün növbəti oyunu son çempion “Mançester Siti” və “Şeffild Yunayted” arasında baş tutub. Görüş Mançester təmsilçisinin 1:0 hesablı qələbəsi ilə başa çatıb. Oyunda yeganə qolun müəllifi 73-cü dəqiqədə Serxio Aquera olub.

Günün digər oyunlarında aşağıdakı hesablar qeydə alınıb:

“Bormunt” - “Brayton” - 3:1;

“Aston Villa” - “Vatford” - 2:1;

“Kristal Palas” - “Southemton” - 0:2;

“Everton” - “Nyukasl Yunayted” - 2:2.

Turun digər oyunları yanvarın 23-24-də keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.