DÜNYA


Böyük Britaniyanın Baş Naziri Boris Conson ilkin sağalma mərhələsindədir

Bakı, 10 aprel, AZƏRTAC

Böyük Britaniyanın Baş Naziri Boris Conson əvvəlki kimi xəstəxanada ilkin sağalma mərhələsindədir.

AZƏRTAC yerli KİV-lərə istinadla xəbər verir ki, bu barədə Birləşmiş Krallığın hökumət dəftərxanasının nümayəndəsi məlumat yayıb.

COVID-19 xəstəliyinə yoluxan Boris Conson aprelin 9-da reanimasiyadan adi palataya keçirilib. Baş Nazir ona göstərdikləri qayğıya görə həkimlərə və tibb bacılarına təşəkkür edib.

“Baş Nazir hazırda xəstəxanadakı palatada ilkin sağalma mərhələsindədir. O, əvvəlki kimi əla əhval-ruhiyyədədir”, - deyə hökumət nümayəndəsi jurnalistlərə bildirib.

Qeyd edək ki, martın 27-də Birləşmiş Krallığın hökumət başçısı Boris Consonun koronavirusa yoluxduğu məlum olub. Həmin gündən etibarən özünü izolyasiya edən Baş Nazir aprelin 3-də hərarətinin düşmədiyini, öskürəyinin dayanmadığını bildirib. Aprelin 5-də xəstəxanaya yerləşdirilən Boris Conson ertəsi gün reanimasiyaya köçürülüb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.