CƏMİYYƏT


Azərbaycanın Gürcüstandakı səfirliyinin təşəbbüsü ilə minlərlə aztəminatlı ailəyə yardım edilib

Tbilisi, 28 may, AZƏRTAC

Azərbaycan Respublikasının Prezidenti İlham Əliyevin koronavirus pandemiyası ilə mübarizəyə dair “Biz birlikdə güclüyük” çağırışına dəstək məqsədilə Gürcüstandakı səfirliyimiz bu ölkədəki azərbaycanlı iş adamları ilə danışıqlar aparıb.

AZƏRTAC xəbər verir ki, səfirliyin təşəbbüsü və Gürcüstandakı Azərbaycan şirkətlərinin maliyyə dəstəyi ilə bu günədək 3258 aztəminatlı ailəyə ərzaq, 200 ailəyə tibbi ləvazimat, Gürcüstanda təhsil alan 71 azərbaycanlı tələbəyə maliyyə yardımı və 2 soydaşımıza əlil arabası verilib.

Səfirlikdən verilən məlumata görə, ərzaq yardımından 1300-ü Azərbaycanlı İş Adamları Birliyinə (AZEBİ) üzv şirkətlər, 1258-i SOCAR-ın Gürcüstan nümayəndəliyi, 700-ü “Akkord” şirkəti və “Azərbaycan Dəmir Yolları” QSC-nin Gürcüstan nümayəndəliyi tərəfindən paylanılıb.

Bundan başqa, SOCAR-ın Gürcüstan nümayəndəliyi 200 ailəyə tibbi ləvazimat çatdırıb və Gürcüstanda təhsil alan 71 tələbəyə maliyyə yardımı edib.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.