SİYASƏT


Respublika Günü Azərbaycanın Belçikadakı səfirliyində qeyd edilib

Brüssel, 28 may, AZƏRTAC

Mayın 28-də Brüssel şəhərində yerləşən Azərbaycan Respublikasının Belçika Krallığı və Lüksemburq Böyük Hersoqluğundakı səfirliyi, Avropa İttifaqı yanında nümayəndəliyinin binasında Azərbaycan Xalq Cümhuriyyətinin (AXC) yaradılmasının 102-ci ildönümü münasibətilə səfirlik əməkdaşlarının iştirakı ilə tədbir keçirilib.

AZƏRTAC xəbər verir ki, tədbirdə əvvəlcə səfirlik adından ulu öndər Heydər Əliyevin büstü önünə çiçəklər qoyulub.

Daha sonra Azərbaycan Respublikasının Belçika Krallığı və Lüksemburq Böyük Hersoqluğundakı səfiri, Avropa İttifaqı yanında missiyanın rəhbəri Fuad İsgəndərov çıxış edərək yaradılmasının 102-ci ildönümünü qeyd etdiyimiz AXC-nin milli tariximizdə tutduğu mühüm yerdən bəhs edərək, Azərbaycanın diplomatik xidmətinin təsis edilməsinin də məhz Cümhuriyyət dövrünə təsadüf etdiyini vurğulayıb və səfirliyin kollektivini bu əlamətdar gün münasibətilə təbrik edib.

Qeyd edək ki, 28 May - Respublika Gününə həsr olunan tədbirlər çərçivəsində səfirlik tərəfindən AXC-nin yaradılmasının 102-ci ildönümündə Azərbaycanın Avropa İttifaqı ölkələri ilə həmrəyliyini nümayiş etdirən xüsusi videoçarx hazırlanaraq səfirliyin rəsmi internet səhifəsi, o cümlədən rəsmi “Twitter” və “Facebook” kanalları üzərindən yayımlanıb, sözügedən videoçarx (https://www.youtube.com/watch?v=NPEgoHHEsqo&feature=youtu.be) izləyicilərin böyük marağına səbəb olub.

Vüqar Seyidov

AZƏRTAC-ın xüsusi müxbiri

Brüssel

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.