ELM VƏ TƏHSİL


Elmi tədqiqatlar və cəmiyyətin sağlam gələcəyi mövzusunda müzakirələr aparılacaq

Bakı, 31 may, AZƏRTAC

Azərbaycan Milli Elmlər Akademiyasının Biologiya və Tibb Elmləri Bölməsinin, eləcə də Molekulyar Biologiya və Biotexnologiyalar İnstitutunun birgə təşkilatçılığı ilə “Koronavirus pandemiyası: elmi tədqiqatlardan sağlam gələcəyin təminatına doğru” mövzusunda onlayn konfrans keçiriləcək.

Akademiyadan AZƏRTAC-a bildirilib ki, konfrans “Yeni pandemiya və epidemiya təhlükələrinin qarşısının alınmasında müasir elmi biliklərin və innovativ texnologiyaların tətbiqi”, “Beynəlxalq əməkdaşlıq və milli biotəhlükəsizlik çağırışları”, “Təkamül və epidemiologiya, gələcək risklər”, “Viral müxtəliflik, koronaviruslar dünyası, onların təkamül dinamikası”, “Yeni koronavirusların yaranması və onlara qarşı immunitetin inkişafı üçün populyasion genom tədqiqatları” mövzularını əhatə edəcək. Eyni zamanda, “COVID-19 pandemiyasının diaqnostika və müalicə üsulları”, “Viruslara qarşı mübarizədə peyvəndlərin, antiviral dərmanların, bitki təbiətli birləşmələrin tətbiqi”, “Epidemik alovlanmaların proqnozlaşdırılması, riyazi modellər”, “Pandemiyalar və bioetik problemlər”, “Mikrobiologiya, virusologiya və molekulyar biotexnologiya elmlərinin inkişaf perspektivləri” mövzuları üzrə müzakirələr aparılacaq.

Konfransda çıxış etmək istəyənlər tezislərini [email protected] elektron ünvanına göndərə bilərlər. Məktubun mövzu yerində “COVID-19 – konfrans” sözlərinin yazılması tələb olunur. Tezislər “Microsoft Word” A4 formatında, Arial pt 12 şrifti ilə sətirlərarası 1.15 interval qoyulmaqla 1 səhifə həcmində olmalıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.