REGİONLAR


Masallı məktəblisi ikinci dəfə “Virtual əlaçı” bilik yarışmasının qalibi olub

Masallı, 6 iyun, Bağır Əliyev, AZƏRTAC

Masallı rayonunun məktəbliləri "Virtual məktəb" portalında keçirilən “Virtual əlaçı” bilik yarışmasında uğurla çıxış edirlər.

AZƏRTAC-ın bölgə müxbiri xəbər verir ki, VII həftənin nəticələrinə əsasən Masallı rayonunun Bədəlan kənd tam orta məktəbinin IX sinif şagirdi İlqarə Şahbazzadə ikinci dəfə bilik yarışmasının qalibi olub. O, bu bilik yarışmasının IV həftəsinin də qalibi adını qazanıb.

Qeyd edək ki, “Virtual məktəb” portalında aprelin 15-dən keçirilən “Virtual əlaçı” bilik yarışmasında məqsəd şagirdlər arasında sağlam rəqabəti artırmaq və öyrənilən bilikləri yoxlamaqdır.

Hər həftə təşkil olunan yarışmada hər sinif üçün təqdim edilmiş tapşırıqlara ən tez düzgün cavab vermiş ilk 10 şagird qalib adını qazanır və onların adları Təhsil Nazirliyi tərəfindən rəsmi şəkildə elan edilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.