REGİONLAR


Şəkidə sərtləşdirilmiş karantin rejiminin tələblərinə nəzarət məqsədilə 49 mobil qrup yaradılıb

Şəki, 9 iyul, Mustafa Dadaşov, AZƏRTAC

Nazirlər Kabinetinin müvafiq qərarına əsasən, iyulun 5-dən sərtləşdirilmiş xüsusi karantin rejiminin tətbiq olunduğu Şəki rayonunda Operativ Qərargah tərəfindən müəyyən edilən tələb və qaydaların təmin olunması üçün ciddi nəzarət tədbirləri həyata keçirilir. Koronavirus (COVID-19) infeksiyasının yayılma sürətinin azaldılması, eləcə də onun törədə biləcəyi fəsadların minimuma endirilməsi məqsədilə Operativ Qərargahın tətbiq etdiyi sərtləşdirilmiş karantin rejiminin tələblərinə, həmçinin sanitar epidemioloji normalara qeyd-şərtsiz əməl olunması üçün mobil qruplar tərəfindən davamlı olaraq reydlər təşkil olunur, sakinlər arasında maarifləndirmə işləri aparılır.

Şəhər icra hakimiyyətindən AZƏRTAC-ın bölgə müxbirinə bildirilib ki, maarifləndirmə işlərinin aparılması üçün rayon üzrə 49 mobil qrup yaradılıb. Mobil qruplar tərəfindən şəhərin ayrı-ayrı yaşayış məhəllələrində, həmçinin qəsəbə və kəndlərində izahetmə-xəbərdarlıq işləri aparılır, fəaliyyətinə icazə verilmiş ticarət və digər obyektlərdə mütəmadi olaraq reydlər keçirilir. İdarə və təşkilatların binalarında, həmçinin şəhər ərazisində, qəsəbə və kəndlərdə aşkar olunan xəstəlik ocaqlarında dezinfeksiya işləri aparılır. Səsgücləndirici qurğu quraşdırılmış avtomobil vasitəsilə əhaliyə çağırışlar edilir. Eyni zamanda, “Evə zəng” kampaniyası çərçivəsində sakinlərlə telefon əlaqəsi saxlanılaraq maarifləndirici söhbətlər aparılır, vətəndaşlara tibbi maskadan istifadənin və sosial məsafənin saxlanılmasının vacibliyi izah edilir.

Ümumiyyətlə, iyulun 5-dən bu günədək polis əməkdaşları tərəfindən sərtləşdirilmiş karantin rejimi qaydalarını pozmuş 87 nəfər barədə inzibati protokol tərtib edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.