ELM VƏ TƏHSİL


AMEA-nın “Elm və həyat” jurnalının növbəti nömrəsi nəşr olunub

Bakı, 15 iyul, AZƏRTAC

Azərbaycan Milli Elmlər Akademiyasının (AMEA) “Elm və həyat” elmi-populyar jurnalının 2020-ci il üzrə 1-2-ci nömrəsi nəşr olunub.

AMEA-dan AZƏRTAC-a bildirilib ki, jurnalın ilk səhifəsində “2020-ci il üçün Azərbaycan Respublikasının elm sahəsində Dövlət Mükafatının verilməsi haqqında” Azərbaycan Respublikası Prezidentinin 2020-ci il 22 may tarixli Sərəncamı verilib.

Yeni nömrədə AMEA-nın prezidenti, akademik Ramiz Mehdiyevin “Azərbaycanın inkişafını XXI əsrin çağırışlarına uyğunlaşdıran Lider”, AMEA-nın birinci vitse-prezidenti, akademik İsa Həbibbəylinin “Kasıblığın dirçəliş marşı. Nobel sülh mükafatı laureatı, professor Məhəmməd Yunus və onun “Kasıbların bankiri” kitabı haqqında söz”, eləcə də AMEA-nın birinci vitse-prezidenti, akademik İbrahim Quliyev və akademiyanın Geologiya və Geofizika İnstitutunun əməkdaşı Tariyel Hüseynovun həmmüəllifi olduqları “Bakı muldası sürüşmələri: araşdırmalar, nəticələr” adlı məqalələri dərc edilib.

Həmçinin AMEA-nın vitse-prezidenti, Molekulyar Biologiya və Biotexnologiyalar İnstitutunun direktoru, akademik İradə Hüseynovanın “Pandemiya dövrü Azərbaycan dövlətçiliyinin uğurlu sınağı oldu”, Fəlsəfə İnstitutunun şöbə müdiri, AMEA-nın müxbir üzvü Könül Bünyadzadənin “Postpandemiya yaxud postamneziya dövrü”, Elm Tarixi İnstitutunun direktoru, tarix elmləri doktoru Məryəm Seyidbəyli və institutun elmi işçisi, baş laborant Solmaz Namazovanın həmmüəllifi olduqları “Dünya tarixində pandemiyalar” mövzularında məqalələr öz əksini tapıb.

Bununla yanaşı, “Bioloji kənd təsərrüfatı və orqanik ipəkçilik”, “Azərbaycanın elektrik enerji tələbatının ödənilməsində külək ehtiyatlarının rolu”, “Yeniləşən dünyada fəlsəfənin missiyası”, “Loqos və mahiyyət”, “Nizami və Hafiz”, “XVII əsr Azərbaycan dilinin qrammatikası” başlıqlı məqalələr də jurnalın bu nömrəsində yer alıb.

Yeni nömrədə, həmçinin tikanlı kəvər növünün istifadə perspektivləri, bir teoremin isbatının 360 illik tarixçəsi, erməni tarixçilərinin yalanlarını ifşa edən əsər, kinoaktyorlarımızın tələffüzündə vurğu, cəmiyyətin innovativ fəaliyyətinin nəticəsi olan beynəlxalq gənclik layihələrindən bəhs edən məqalələr oxucuların diqqətinə çatdırılıb.

Jurnalda rus dilində məqalələr də yer alıb.

Qeyd edək ki, “Elm və həyat” jurnalının baş redaktoru AMEA-nın prezidenti, akademik Ramiz Mehdiyev, baş redaktorun müavini, AMEA-nın birinci vitse-prezidenti, akademik İsa Həbibbəyli, məsul redaktoru isə AMEA-nın İctimaiyyətlə əlaqələr, mətbuat və informasiya şöbəsinin müdiri, filologiya üzrə fəlsəfə doktoru Ağahüseyn Şükürovdur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.