İDMAN


Azərbaycan şahmatçısı onlayn Avropa çempionatının qalibi olub

Bakı, 21 sentyabr, AZƏRTAC

Azərbaycan şahmatçılarının da iştirak etdikləri onlayn Avropa birinciliyi başa çatıb.

AZƏRTAC xəbər verir ki, 12 yaşadək şahmatçılar arasında təmsilçimiz Cahandar Azadəliyev 8 xalla qitə çempionatının qalibi olub. Bu yaş qrupunda Xəqan Əhməd 6,5, Nərmin Abdinova 6, Lalə Hüseynova 5, Leyla Budaqova 4,5, Fərid Orucov 3 xal qazanıblar. On səkkiz yaşadək şahmatçılarımız arasında isə Ləman Hacıyeva 7 xalla üçüncü yeri tutub. Onun komanda yoldaşları Abdulla Qədimbəyli, Məhəmməd Muradlı 6, Sadiq Məmmədov 5,5, Gövhər Beydullayeva 6,5 və Ayan Allahverdiyeva 5 xal toplayıblar. Digər yaş qrupunda - on altı yaşadək şahmatçıların yarışlarında Əhməd Əhmədzadə 7, Aydın Süleymanlı 6,5, Səbinə Rzalı 6, Xəzər Babazadə 5,5, Mələk İsmayıl, Nəsrin Babayeva 5 xal əldə ediblər. On dörd yaşlı şahmatçıların mübarizəsində isə Read Səmədov 7 xalla 3-4-cü yerləri bölüşüb. Ümid Aslanov 5, Hüseyn Seyid 4, Səmra Qasımova, Aysel Cəfərova, Nazlı Hümbətova 5 xal toplayıblar.

Doqquz turdan ibarət turnir İsveçrə sistemi üzrə keçirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.