REGİONLAR


Şəkinin üzüm bağlarından 2 min tondan çox məhsul yığılıb

Şəki, 21 sentyabr, Mustafa Dadaşov, AZƏRTAC

Şəki rayonunun təsərrüfatlarında üzüm yığımı davam edir. Hələlik bağlardan əsasən süfrə üzüm sortları tədarük olunur. Hazırda rayonda 307 hektar bar verən üzüm bağı var. Məhsul istehsalçıları indiyədək 164 hektar bağın məhsulunu yığıb, 2120 ton üzüm tədarük ediblər. İstehsal olunan məhsul satış üçün əsasən daxili bazarlara göndərilir.

Bu barədə AZƏRTAC-ın bölgə müxbirinə Şəki Dövlət Aqrar İnkişaf Mərkəzindən məlumat verilib.

Qurumdan bildirilib ki, builki mövsümdə Şəkinin üzüm bağlarından 4,2 min tondan çox məhsul yığılması proqnozlaşdırılır. Xatırladaq ki, ötən il rayonda 4197 ton üzüm istehsal olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.