ELM VƏ TƏHSİL


Neft-Kimya Prosesləri İnstitutunda birinci kurs magistrantlarla görüş olub

Bakı, 21 sentyabr, AZƏRTAC

AMEA akademik Yusif Məmmədəliyev adına Neft-Kimya Prosesləri İnstitutunda neft kimyası, nanomateriallar kimyası və ətraf mühit kimyası ixtisasları üzrə magistratura pilləsinə qəbul olan birinci kurs magistrantlarla görüş keçirilib.

İnstitutdan AZƏRTAC-a bildirilib ki, görüş karantin rejiminin tələblərinə uyğun olaraq sosial məsafə gözlənilməklə təşkil olunub. İnstitutun direktoru, akademik Vaqif Abbasov tələbələri yeni tədris ilinin başlanması münasibətilə təbrik edib və uğurlar arzulayıb. Ölkə iqtisadiyyatında kimya sənayesinin rolu, bu sahənin dünya miqyasında perspektivli bir istiqamət olduğunu vurğulayan Vaqif Abbasov ölkəmizdə neft-kimya sənayesinin sürətlə inkişaf etdiyini bildirib. Akademik gənclərə institutun fəaliyyəti, burada aparılan elmi-tədqiqat işləri barədə də məlumat verib.

Qeyd edək ki, 2020-2021-ci tədris ilində Neft-Kimya Prosesləri İnstitutunun magistratura pilləsinə müxtəlif ixtisaslar üzrə 5 magistr qəbul olub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.