CƏMİYYƏT


Gəncədə evlərdən və avtomobillərdən oğurluq edən şəxslər saxlanılıblar

Bakı, 25 sentyabr, AZƏRTAC

Gəncədə evlərdən və avtomobillərdən oğurluq edən şəxslər tutulublar.

Daxili İşlər Nazirliyinin mətbuat xidmətindən AZƏRTAC-a bildiriblər ki, Kəpəz rayonu ərazisində 6 evdən su mühərriki, bir velosiped, bir avtomobildən isə təkər qapaqları oğurlamaqda şübhəli bilinən Gəncə şəhər sakini, əvvəllər məhkum olunmuş R.Xəlilov Rayon Polis İdarəsi əməkdaşlarının keçirdikləri əməliyyat tədbirləri nəticəsində saxlanılıb.

Kəpəz Rayon Polis İdarəsi əməkdaşlarının keçirdikləri digər əməliyyat tədbirləri nəticəsində isə rayon ərazisində iki avtomobildən pul, akkumulyator, maqnitofon, iki həyətyanı sahədən isə su mühərriki oğurlamaqda şübhəli bilinən Gəncə şəhər sakini S.Abbasov yaxalanıb.

Hər iki faktla bağlı araşdırmalar davam etdirilir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.