SİYASƏT


Özbəkistan portalı Ermənistanın təxribatları ilə əlaqədar materiallar verib

Daşkənd, 28 sentyabr, АZƏRTAC

Özbəkistanın kun.uz portalı Ermənistanın təxribatları ilə əlaqədar özbək dilində materiallar verib.

AZƏRTAC xəbər verir ki, “Dağlıq Qarabağda yeni gərginlik: Əsas məlumatlar” sərlövhəli məqalədə sentyabrın 27-də səhərdən başlayan Ermənistanın təxribatları və Azərbaycan ordusunun cavab tədbirləri görməsi nəticəsində müharibənin birinci günündəki parlaq qələbəsi haqqında geniş söhbət açılıb.

Yazıda Azərbaycan Prezidenti İlham Əliyevin televiziya ilə xalqa müraciəti haqqında ətraflı məlumat verilib. Dövlət başçısı müraciətində deyib: “Son vaxtlar Ermənistanın Azərbaycana qarşı hərbi təxribatları müntəzəm xarakter almışdır. Heç kəsə sirr deyil ki, ilk atəşi, o cümlədən artilleriya atəşini Ermənistan açıbdır və ilk həlak olanlar da məhz Azərbaycan hərbçiləri olmuşdur”.

Materialda Ermənilərin bugünkü təxribatları və Dağlıq Qarabağın tarixi haqqında da məlumat verilir.

Portal “Türkiyə Ermənistanla münaqişədə Azərbaycana dəstək verir” sərlövhəli məqaləsində isə bildirir ki, Türkiyə Prezidentinin müşaviri İbrahim Kalın deyib: “Ankara Ermənistanın Azərbaycana olan son təxribatlarını da ittiham edir. Türkiyə Azərbaycanın yanındadır”.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.