SİYASƏT


Kürşad Zorlu: Azərbaycanın İranla dövlət sərhədinə nəzarəti tam bərpa etməsi çox mühüm hadisədir

Ankara, 23 oktyabr, AZƏRTAC

Azərbaycan Silahlı Qüvvələri işğal altındakı torpaqları terrorçu və quldur erməni dəstələrindən təmizləməklə bütün region ölkələri üçün ortaq təhlükəni aradan qaldırır. Bu mənada, Zəngilanın Ağbənd qəsəbəsinin işğaldan azad olunması ilə Azərbaycanın İranla dövlət sərhədinə nəzarəti tam bərpa etməsi strateji əhəmiyyətli məsələdir.

Bu fikirləri AZƏRTAC-a açıqlamasında Türkiyənin Bozok Universitetinin dekanı, professor Kürşad Zorlu bildirib.

Yaxın Şərqdəki münaqişə bölgələrinin Türkiyə kimi İran üçün də ciddi təhlükə mənbəyi olduğunu diqqətə çatdıran professor deyib ki, heç bir normal dövlət istəməz ki, onun sərhəd qonşuluğunda münaqişə ocağı olsun. Bu baxımdan bu mühüm hadisə İran üçün də önəmlidir.

Azərbaycanın zəngin təbii sərvətlərə və böyük resurslara malik olduğunu diqqətə çatdıran professor əminliklə bildirib ki, Azərbaycanın ərazi bütövlüyünün bərpası bütün Qafqaz bölgəsi üçün yeni bir sosial-iqtisadi mənzərə yaradacaq.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.