CƏMİYYƏT


Koronovirusdan daha yaxşı qoruyan mövsüm meyvələri

Bakı, 26 oktyabr, AZƏRTAC

Bəzi mövsümi meyvələri, o cümlədən xurma, heyva, üzüm və s. orqanizmin koronavirusdan müdafiəsini artırır.

AZƏRTAC bu barədə “MedikForum” saytına istinadla məlumat yayıb.

Diyetoloqlar koronavirus və tənəffüs infeksiyaları hallarının artdığı dövrdə sağlam qidalanmağa üstünlük verməyi tövsiyə edirlər. Faydalı məhsullar, təbii ki, koronavirusu müalicə eləmir, lakin onlardan istifadə etdikdə orqanizmin immuniteti artır, xəstəliklərə qarşı müqaviməti güclənir.

Yaşlı adam orta hesabla gün ərzində 300 qram tərəvəz və 200 qram meyvə yeməlidir. Ciddi pəhriz saxlamaqdansa, gündə 5-6 dəfə hissə-hissə yemək orqanizm üçün daha faydalıdır.

Mütəxəssislər şirniyyat məmulatlarından az istifadə etməyi məsləhət görürlər. Onların fikrincə, şirniyyat sevənlər armud və gavalıya üstünlük verməlidirlər. Bəzi payız meyvələrinin koronavirusa qarşı faydalı olması vurğulanır. Onların sırasında xurma, heyva, zoğal, üzüm, innab, çaytikanı daxildir. Bundan əlavə, immuniteti gücləndirmək üçün gün ərzində beş qoz yemək məsləhətdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.