SİYASƏT


CGTN Vaşinqtonun vasitəçiliyi ilə əldə olunan atəşkəsin pozulmasından yazır

Pekin, 27 oktyabr, AZƏRTAC

Çin Mərkəzi Televiziyasının ingilis dilində yayımlanan CGTN (China Global Television Network) kanalının internet səhifəsində Qarabağ münaqişəsinə dair növbəti material yerləşdirilib.

AZƏRTAC xəbər verir ki, bütün dünyada geniş oxucu kütləsinə malik CGTN kanalının saytındakı məqalədə Vaşinqtonun vasitəçiliyi ilə əldə edilən humanitar atəşkəsin pozulmasından bəhs olunub. Azərbaycanın Müdafiə Nazirliyinə istinadla qeyd edilib ki, atəşkəsin qüvvəyə minməsindən bir neçə dəqiqə sonra Ermənistan silahlı qüvvələri Tərtər və Laçın rayonlarını atəşə tutub.

CGTN Prezident İlham Əliyevin oktyabrın 26-da televiziya ilə xalqa müraciətində səsləndirdiyi fikirlərə toxunaraq yazır ki, Azərbaycan hansı yolla olur-olsun münaqişənin həllini istəyir. Onlayn nəşr Azərbaycan Prezidentinin “Mən təklif etmişəm ki, əgər istəyirsinizsə, sülh yolu ilə həll olunsun, yaxşı, biz dayandıraq. Ancaq dərhal bizə deyilməlidir ki, Ermənistan bizim torpaqlarımızdan çıxır” fikrini də öz oxucularının diqqətinə çatdırır.

Məqalədə, eyni zamanda, sentyabrın 27-dən başlayan toqquşmalar nəticəsində Azərbaycan tərəfdən 65 mülki sakinin öldüyü və 297 nəfərin yaralandığı qeyd olunub.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.