ELM VƏ TƏHSİL


165 nömrəli məktəbin şagirdləri Neft-Kimya Prosesləri İnstitutunda olublar

Bakı, 13 may, AZƏRTAC

Mayın 13-də Xətai rayon 165 nömrəli tam orta məktəbin VIII sinif şagirdləri AMEA-nın akademik Yusif Məmmədəliyev adına Neft-Kimya Prosesləri İnstitutunda (NKPİ) olublar.

NKPİ-dən AZƏRTAC-a bildiriblər ki, əvvəlcə şagirdlər Yusif Məmmədəliyevin institutdakı memorial muzeyi ilə tanış olublar. Texnika üzrə fəlsəfə doktoru Zaur Ağamalıyev şagirdlərə akademik Yusif Məmmədəliyevin həyatı və elmi fəaliyyəti haqqında ətraflı məlumat verib.

Sonra şagird və müəllimlər institutun direktoru, akademik Vaqif Abbasovla görüşüblər.

Görüşdə akademik Vaqif Abbasov elm və təhsilin vəhdətindən, NKPİ-nin fəaliyyətindən, burada aparılan elmi-tədqiqat işlərindən, kimya elmində baş verən mühüm yeniliklərdən söz açıb, məktəblilərə bir sıra dəyərli tövsiyələr verib və onların suallarını cavablandırıb. Akademik bildirib ki, elm və təhsilin inteqrasiyası yüksək elmi biliyə malik kadrların yetişməsinə imkan yaradır.

Sonda şagirdlər institutun laboratoriyaları ilə tanış olublar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.