ELM VƏ TƏHSİL


Tələbə-könüllülər üçün “Gəncliyin bir həftəsi” layihəsinə başlanır

Bakı, 26 yanvar, AZƏRTAC 

Təhsil Nazirliyinin “Bir” tələbə-könüllü proqramının təşkilatçılığı ilə 2 fevral - Gənclər Günü münasibətilə tələbə-könüllülər üçün “Gəncliyin bir həftəsi” adlı tədbir keçiriləcək.

Təhsil Nazirliyindən AZƏRTAC-a bildirilib ki, yanvarın 28-dən fevralın 1-dək davam edəcək layihə çərçivəsində proqramın 6 istiqaməti (“Yaşa”, “Yaşat”, “Öyrən”, “Öyrət”, “Kəşf et” və “Zövq al”) üzrə müxtəlif təlimlər, vebinarlar, intellektual oyunlar və konsert proqramı təşkil ediləcək.

“Gəncliyin bir həftəsi” layihəsinin məqsədi şəxsi inkişafının təmin olunması, dünyagörüşünün artırılması, asudə vaxtın səmərəli dəyərləndirilməsi, könüllülük dəyərlərinin aşılanmasıdır.

Qeyd edək ki, Təhsil Nazirliyinin “Bir” tələbə-könüllü proqramının 25 mindən çox üzvü var. Tələbələrin şəxsi inkişafı və asudə vaxtının səmərəli dəyərləndirilməsi üçün 6 istiqamətdə fəaliyyət göstərən proqram tərəfindən indiyədək 650-dən çox yerli, eləcə də beynəlxalq tədbirə könüllü və təşkilati dəstək verilib. “Bir” könüllü olmaq istəyən tələbələr www.konullu.edu.az saytı vasitəsilə qeydiyyatdan keçə və proqrama qoşula bilərlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.